Агенцијата за промоција и поддршка на туризмот на Република Македонија (АППТ) за прв пат ја претставува туристичката понуда на Македонија на саем за туризам во Бремен, Германија.
Саемот во Бремен – Reise Lust, се одржува по 12-ти пат и е оргнизиран зедно со саемот за храна Fisch & Feines и саемот за кампинг Caravan Bremen, што ја зголемува можноста за претставување на македонската храна и вино и опциите за кампување во Македонија.
Како единствен од овој тип, саемот Reise Lust e атрактивен за 175 излагачи и 292 ко-излагачи, а само во првите три дена го посетиле вкупно 40.000 гости.
Претставници од АППТ за време на саемот остварија контакт со тур операторите Kaiser, Urlaub + Reisen и Auto Fische, познати германски тур оператори кои организираат тури со автобуси. Средба беше остварена и со агенцијата Travel to Nature, која е специјализирана за организирње на патување до дестинации кои изобилуваат со природа. Реализирана е и средба со тур оператор кој веќе ја нуди Македонија како дел од кружна тура на Балканот – Ikarius Tours.
Интересот на посетителите за време на саемот во Бремен е фокусиран кон патување со автобуси и организирани групи преку туристички агенции, како и кампување.
Организаторите на саемот изненадени од проактивноста на Република Македонија и Агенцијата за туризам, несебично ја вклучија македонската туристичка понуда во сите нивни јавни обраќања за време на саемот.