Сообраќајот на државните патишта се одвива по претежно влажни коловози. Врнежи од слаб снег во раните утрински часови се бележат во Крива Паланка, Страцин, Попова Шапка, Маврово, Штип и Делчево, како и на планинскиот премин Плетвар, информираат од АМСМ.
Во клисурите и засеците можна е појава на помали одрони, особено на патните правци: Кочани – М.Каменица – Делчево, Виница – Берово, Гостивар – Стража, Маврово-Дебар-Струга, Д.Капија – Удово, Катланово-Велес, Крушево – Демир Хисар и Ресен-Буково.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.
АМСМ препорачува внимателно возење, прилагодена брзина на движење и почитување на поставената сообраќајна сигнализација.