Министерот за внатрешни работи д-р Агим Нухиу денес (06.01) ја посети ПС за ГН Јажинце, каде што поради големите снежни наноси на овој патен правец истиот беше затворен за сообраќај.
Министерот Нухиу беше информиран за состојбите на ГП Јажинце и активностите за надминување на сообраќајната блокада предизвикана од снежните врнежи. Притоа, на иницијатива на министерот Нухиу, на блокираните граѓани им беше понуден престој во просториите на ПС за ГН кадешто беше организиран и топол оброк за дел од заглавените патници.