Секоја година на 4 февруари, СЗО и Меѓународната агенција за истражување на ракот (IARC) ја поддржува Унијата за меѓународна контрола на ракот (UICC) да промовира начини за олеснување на глобалниот товар од ракот.
Ракот е неконтролиран раст и ширење на клетките. Тоа може да влијае на речиси секој дел од телото. Израстоците на рак често го напаѓаат околното ткиво и може да метастазираат и во други органи.
Многу видови на рак може да се спречат, преку избегнување на изложеност на некои фактори на ризик, како што е чадот од цигарите. Покрај тоа, значителен број на случаи на рак може да се излечат, со хируршка интервенција, радиотерапија или хемотерапија, особено ако тие се откриени рано.
Со слоганот: „Ние можеме. Јас можам.“, Светскиот ден за борба против ракот 2016-2018 ќе истражува што можат сите – како колектив или како поединци – да направат за да се намали уделот на глобалниот товар од ракот.
WebOhrid