Врз основа на член 50 од Законот за научно-истражувачка дејност („Службен весник на Република Македонија’ бр. 46/08, 103/08, 24/11, 80/12, 24/13, 147/13, 41/14, 145/15, 154/15, 30/16 и 53/16)), Правилникот за начинот и постапката и поблиските критериуми за финансирање и надзор на годишните програми за финансирање на научно – истражувачки проекти односно програми („Службен Весник на Република Македонија“ бр. 82/09, 149/09,25/11 и 129/13, и Решението за објавување на Јавен оглас бр. 17-4906/1 од 07.04.2017 година, Министерството за образование и наука на Република Македонија, распишува:
ЈАВЕН ОГЛАС
за избор на рецензенти кои ќе ги рецензираат пријавените проекти по објавениот Конкурс за кофинансирање на билатерални проекти меѓу Република Македонија и Народна Република Кина за периодот 2018 – 2019 година
Министерството за образование и наука на Република Македонија, од пријавените кандидати ќе изврши избор на рецензенти, кои ќе ги рецензираат поднесените предлог – проекти по Конкурсот за кофинансирање на билатерални проекти меѓу Република Македонија и Народна Република Кина кои ќе се финансираат во периодот 2018-2019 година.
Рецензентите треба да бидат од редот на врвни познати и признати истражувачи со научно, односно наставно-научно звање од соодветното научно поле и научно подрачје на истражување.
Рецензентите треба да бидат од следните научни полиња, односно научни подрачја на истражување
– Природни науки, (информатика, математика, биологија)
– Биотехнички науки (ветеринарна медицина, рибарство,
храна и вино)
– Медицина (фармакологија, фармакогнозија)
-Техничко-технолошки науки, (информатичка технологија и
автоматика, компјутерска техника и информатика,
енергетика, градежништво, менаџмент, контрола на
квалитет, земјотресно инженерство, дигитална економија,
животна средина и телекомуникации)
Избраните рецензенти, пријавените билатерални проекти ќе ги оценуваат врз основа на следните критериуми:
– придонес во продлабочувањето и проширувањето на
научните знаења;
– оригиналноста на целите и содржината на истражувањето;
– компетентност на главниот истражувач;
– компетентност и оригиналност на истражувачкиот тим;
– придонесот во оспособувањето на млади истражувачи;
– релевантноста на проектот на целите на истражувањето;
– конкурентноста за меѓународна соработка;
– остварливоста на предлог проектот (финансиска
конструкција), можности за примена на резултатите.
Во постапката за оценување рецензентите треба да се придржуваат кон професионалните и етичките норми (објективност, непристрасност и одбегнување на конфликт на интереси).
Пријавата за рецензент, уредно пополнета заедно со потребните документи се доставува во Министерството за образование и наука, на ул. Кирил и Методиј бр. 54, Скопје.
Краен рок за доставување на пријавите е 10.05.2017 година.
Некомплетни или ненавремено доставени пријави, нема да бидат разгледувани.
За симнување: