Амбасадорката на Република Хрватска во Република Македонија Данијела Баришиќ на денешната средба во Министерството за одбрана со министерката Радмила Шекеринска најнапред упати честитки за назначувањето и истакна дека гледа нов полет во соработката меѓу Македонија и Хрватска. Таа истакна дека билатералната соработка е на одлично ниво и дека соработката ќе продолжи по таа линија.
Министерката Шекеринска упати благодарност за досегашната поддршка и порача дека стратешката цел ќе биде остварена, преку реализирање на вистинските реформи. „Наша цел е да ги искористиме вашите искуства за реформи, професионализација, модернизација, и се надеваме дека таа поддршка ќе ја добиеме од вас“.
Амбасадорката Баришиќ рече дека Македонија ја има поддршката од Хрватска во остварувањето на стратешките цели, членство во НАТО и ЕУ и изрази уверување дека реформите во Македонија ќе бидат реализирани што ќе биде од корист за целиот регион.
На средбата присуствуваше и одбранбеното аташе на Република Хрватска во Република Македонија полковник Маријана Плеша Чадониќ која ги пренесе честитките од министерот за одбрана на Хрватска, Дамир Крстичевиќ за назначувањето и пораката за поддршката на Хрватска дека ќе стори сè што е во нејзина моќ да и помогне на Македонија во остварување на нејзината цел.
