Министерот Оливер Спасовски денеска се сретна со делегација на Советот на европските полициски синдикати, предводена од претседателот Андреас Симеоу, каде полноправен член е Македонскиот полициски синдикат.
Министерот Спасовски на членовите на делегацијата на Советот на европските полициски синдикати им ја презентираше намерата за спроведување на темелни реформи во Министерството за внатрешни работи, со цел оваа институција да се департизира и декриминализира и на тој начин да ја врати довербата кај граѓаните. Тој потенцира дека професионалците во МВР ќе добијат поддршка за професионалното работење, а во соработка со МПС ќе бидат подобрени и условите за работа на полицајците.
Симеоу му го честита изборот на министерот Спасовски и ја поздрави неговата подготвеност за соработката со Македонскиот полициски синдикат околу подобрувањето на условите за работа на полицајците и спроведувањето на најавените реформи. Според него, инвестирањето во полицијата е неопходно, затоа што подобрите услови ќе донесат и подобри резултати во работењето.