Над 100 илјади жители од струга, охрид и вевчани се гушат во чад. Тука се случува еколошка бомба. Од цела влада, премиер Зоран Заев, 26 министри, срамота е да не можат да угасат еден пожар, вели пратеничката од ВМРО-ДПМНЕ, Лилјана Затуроска.
„Зоран Заев и Шекеринска која токму овде ги убедуваше граѓаните дека ќе дошол животот, сега никаде ги нема и не мрднуваат со малиот прст. Тука веќе не се работи за политика, тука веќе се работи за човечки живот. Некој од надлежните тоа одамна не може да го разбере. Според стручни лица се работи за штетен отпад кој кога гори ослободува токсични гасови и пареи како што се јаглероден моноксид, јаглероден диоксид, фурани, диоксини, тешки метали, ароматични јагленоводороди и др. кои се исклучително штетни за здравјето на живите организми и можат да предизвикаат сериозни нарушувања на здравјето особено кај децата и младите до 20- годишна возраст“, вели Затуроска.
Во опасност е здравјето на граѓаните, но и се загрозува туризмот и директно се чепка во приходите на граѓаните. Апелираме на брз одговор, но и трајно решавање и дислокација на депонијата. Мора активизам, не само на локалната самоуправа, туку и на целата влада, заклучува Затуроска.