Европската унија би требало во 2014 година да ги отвори пристапните преговори со сите земји од југоисточна Европа (ЈИЕ), бидејќи во спротивно се заканува опасност од избивање на социјална и политичка напнатост како што се случувало во минатото, изјавил шведскиот министер за надворешни работи Карл Билт.
„Сите преостанати земји би требало да ги отворат преговорите во 2014 година, тоа е реална и достижна цел… доколку тоа не се случи, гледам опасност од зголемена напнатост“, рекол Билт.
Искусниот шведски дипломат кој веќе 20 години како меѓународен посредник е активен во регионот, посебно ги повикал Србија и Косово да постигнат договор за нормализација на односите кои се услов од ЕУ за продолжување на европските интеграции на тие земји.