Не измина еден месец откако за патрониот празник на градот-„Св.Климент Охридски“ беше пуштен во употреба „Паркот на пријателството“, а веќе истиот е деградиран. Имено, ноќеска од страна на насилници, едната плоча е целосно искршена, а друга е оштетена. Екипите на Ј.П. Охридски Комуналец случајот веднаш го пријавија во СВР-Охрид, од каде очекуваме брза реакција и наоѓање на виновниците.
Апелираме до надлежните служби да обезбедат поголемо присуство на свои службени лица во парковите, како ваквите немили настани не би се повториле и би се избегнале несаканите последици, посебно за новогодишните празници кога голем број светлосни реквизити се под струен напон.
Ј.П. Охридски Комуналец