Секоја година, земјите од Европската унија губат околу 10 милијарди евра поради шверцот со цигари. Тутунските компании дополнително заработуваат од продажбата на цигари во сивата зона.
И покрај тоа што Европската унија направи договори со повеќе водечки производители, каде тие се должни да пријават колку цигари и каде се испорачуваат, сепак овие договори се избегнуваат. Проблемот лежи во тоа што повеќето производители имаат филијали во земјите од источна Европа и во Азија, каде е особено тешко да се контролира количината на произведени цигари.
ЕУ ќе се обиде преку трговски договори да ја засили контролата на производство на цигари, а исто така ја засили контролата во пристаништата кои имаат право на бесцарински увоз и извоз, како и во зоната за слободна трговија во самата Европска унија.