Претседателот на Владата на Република Македонија, г-дин Никола Груевски, денеска оствари средба со г-дин Филип Рикер, заменик помошник на државниот секретар на САД задолжен за европски и евроазиски прашања.
Соговорниците го истакнаа задоволството од континуираното унапредување на пријателските односи и интензивната соработка помеѓу двете држави на секое ниво од взаемен интерес.
На средбата се разговараше и за евроатланската и европската интеграција на Република Македонија.
Беа истакнати чекорите кои се преземаат во повеќе сфери за унапредување на процесите и стандардите, со осврт на унапредување на политичкиот дијалог во земјата.
Се изрази посветеноста и одговорниот пристап за надминување на предизвиците на надворешно политички план.
Соговорниците разменија мислења за регионалните случувања, настани, предизвици и перспективи, и оценија дека сите субјекти во регионот треба да дејствуваат во интерес на засилување на регионалната соработка и обезбедување на стабилизација, напредок и развој на Југоисточна Европа.