Од денес, бесплатно, на лизгалиштето на Градскиот плоштад ќе лизгаат учениците од сите основни училишта во градов. Бесплатното лизгање е закажано за период од 12 до 14 часот секој работен ден со исклучок на викендите. Денес бесплатно први ќе лизгаат учениците од ОУ „Братство и единство“, утре ќе бидат учениците од „Св. Климент Охридски“, а задутре од „Кочо Рацин“. Во понеделник на 13-ти јануари ќе лизгаат учениците од „Христо Узунов“, во вторник од „Ванчо Николески“, во среда од „Живко Чинго“, во четврток од „Св. Наум Охридски“, а во петок од „Григор Прличев“.
Ваквата акција на бесплатно лизгање за основците во утврдени термини на ротациона основа продолжува и во останатите денови од месец јануари.
Покрај за основците, Општина Охрид обезбеди бесплатно користење на лизгалиштето и за децата од социјално ранливите семејства и од Здружението на деца заболени од дијабет. Со овој проект на бесплатно лизгање Локалната сака да им го доближи овој вид спорт и да им овозможи уживање на мраз на сите лица кои во други услови истото не би го реализирале.