Утре, 13 ти Февруари ќе се оддржи презентација на остварените резултати на локално ниво од општина Охрид за проектот СУСТКУЛТ „Достигнување одржливост преку интегрирано управување со места на културно наследтво“, кој е во завршна фаза на имплементација а е финансиран од програма за Југоисточна Европа на Европска Унија. Поканети се членови на Консултативно тело од проектот како и други заинтересирани страни од јавни институции и невладини организации на локално и национално ниво.
Проектот го имплементира Сектор за ТЛЕР заедно со уште 12 институции од 7 земји: Романија, Унгарија, Албанија, Грција, словенија и Италија. Лидер партнер е градот Венеција.
Презентацијата ќе се однесува на главните активности и реазултати од проектот а се однесууваат на креираната и објавена Веб гис платформа, методологијата за планови за управување со културно наследство, траининг обуки за подигнување на човечки капацитети во делот на планови за управување со културно наследство како и изработка на план за управување на општина Охрид во делот на светското културно и природно наследство и изработка на Бизнис план и Маркетинг Стратегија за Заливотѕ на Коски.
Презентацијата во име на градоначалникот Бакрачески ќе ја отвори неговиот заменик-градоначалник, Ангел Јанев, при што и јавно ќе биде предаден на користење Бизнис планот и Маркетинг Стратегијата за Заливот на коските на Завод и Музеј Охрид.
На презентацијата ќе бидат присутни и 20 претставници од сите земји партнери на проектот, со кои воедно ќе биде одржан дводневен состанок за финализирање на активностите од проектот на 13 и 14 февруари 2014.