По вчерашниот допис од група граѓани на Охрид испратен до медиумите, меѓу кои и WebOhrid: опасен отпад на просторот од поранешниот полигон за мали спортови, од Ј.П. „Охридски Комуналец“ велат дека, а воедно ги информираат граѓаните дека не се работи за никаков опасен отпад, туку најобична трева.
„Според наше мислење или некој ја собрал околната трева за исхрана на животни, или пак некој несовесен поединец од околните куќи или згради го уредувал своето дворно место и зелениот отпад го фрлил на оваа локација. Нашите екипи веднаш излегоа на лице место и бидејќи се работи за приватен имот, издаден е налог од Општинскиот инспекторат. Ваквите простори кои се во приватна сопственост треба да ги одржуваат самите сопственици, или пак да склучат договор со јавното претпријатие, кое ќе ја одржува хигиената со соодветен надомест.“ – информираат од ЈП „Охридски Комуналец“.
Во интерес на граѓаните на општина Охрид, денеска целиот простор се расчистува од натрупаниот отпад, каде поради отворениот пристап, многу често се создаваат мини-депонии, велат од претпријатието.
