Христовото воскресение- Велигден , градоначалникот Никола Бакрачески го дочека во храмот „Св. Богородица –Каменско“.
Заедно со бројни христијани, охриѓани но и гости од земјава и странство, градоначалникот Бакрачески ги проследи сите традиционални- црковни обичаи, посакувајќи им на сите верници да ги води добра мисла и искрена верба во Бога кои се основата за градење на заедничка среќна иднина и напредок на секој план.
Градоначалникот Бакрачески им го честиташе најголемиот христијански празник на присутните верници посочувајќи дека овој ден е темелот на нашата вера.Велигден е празник на човечноста и на солидарноста, празник кој носи порака за единство, мир и разбирање.
Нека е за многу години овој голем христијански празник. Христос Воскресе- Навистина Воскресе !