Јавното Претпријатие Градски Пазар денес го распиша тендерот за избор на најповолна понуда за градба на новиот објект на пазарот преку јавно – приватно партнерство.
Според тоа што стои во документацијата на повикот, а која пак произлегува од изготвената физибилити студија, објектот кој треба да се гради е со бруто површина од 6 779 метри квадратни , на три нивоа приземје и два ката .Предвиден е и подземен` паркинг со 150 паркинг места .
Според физибилити студијата, постои економска оправданост од проектот само ако Општината добие 1 230 метри квадратни зелен пазар и тоа на приземјето, кој треба да е опремен со 192 тезги по хасап стандардите, што е обврска на инвеститорот. На приземјето 341, 5 метри квадратни се предвидени за деловен простор.
Вториот кат ќе биде во сопственост на приватниот инвеститор.
На третиот кат Општина Охрид треба да добие 713 метри квадратни и од тука почнува наддавањето односно кој ќе даде најдобра понуда тој ќе биде избран на тендерот.
Приватниот партнер е обврзан да ги реконструира фасадата и кровот на постојниот објект на ЈП Градски Пазар. Предвидено е да се реконструира и објектот за продажба на јајца и млечни производи. Тој ќе ја задржи истата висина а ќе има приземје и кат.
Приватниот партнер ќе биде обврзан за период од шест месеци да обезбеди плати и придонеси за сите 31 вработен во ЈП Градски Пазар.
