Од 26.06 до 29.06.2014 година после повеќе од една деценија, на тлото од древниот Извиднички Центар, во организација на Извидничкиот Одред ПИОНЕР од Охрид, а со поддршка на Сојузот на извидници на Македонија се организираше извидничко младински забавен камп (Camping Fun Ohrid 2014). На кампот учество зедоа 100.извидници на возраст од 11-21.година од извидничките одреди „Јадран“,„Галеб“,„Методија Митевски -Брицо“ од Скопје, „Мирко Милески“ од Кичево и „Крсте Јон“ од Струга, како и 35 деца и младинци од асоцијацијата за култура и уметност „Креативити“ од Прилеп.
Учесниците преку меѓусебно дружење и натпреварување во различни едукативно забавни дисциплини во вода и на копно покажаа дека најкраткиот пат за рушење на предрасудите околу постоење на различностите и стекнувањето на нови познанства е токму непосредното другарување и кампување. Преку ден, на брегот од Охридското Езеро се организираа натпревари во повеќе од 15 дисциплини, а во вечерните часови покрај логорскиот оган преовладуваше културно забавната програма преку песна и глума. Во поладневните часови пак, се организираа активности низ потесното градско подрачје, каде што учесниците пронаоѓаа одредени значајни објекти преку претходно означена карта-мапа, притоа запознавајќи се со убавините на градот Охрид.
На крајот беа доделени пригодни награди и признанија за најуспешните екипи, кои пак изразија желба оваа активност да се омасови, прошири и стане традиционална.
