Според податоците на Државниот завод за статистика, индексот на трошоците на животот во јуни 2014, во однос на претходниот месец, изнесува 99.8, а индексот на цените на мало 99.6.
Намалувањето на индексот на трошоците на животот од 0.2% во јуни 2014 година, во споредба со претходниот месец, е резултат на пониските индекси на свежиот зеленчук за 5.5%, свежото млеко за 1.3%, мастите за 1.0%, сувото овошје за 0.9%, киселото млеко за 0.7%, конзервираните месни производи за 0.5%, житото за 0.4%, сувомеснатите производи за 0.3%, полутрајните колбасичарски производи и конзервираниот зеленчук за 0.2%.
Исто така, намалување на индексите на трошоците на животот е забележано и кај авионскиот превоз на патници за 3.8%, пакет-туристичкитe аранжмани за 3.1 %, телефонските и факс-апарати и услуги за 2.1%, информатичката опрема за 1.6%, апаратите за домаќинствата за 0.8%, гасот за домаќинствата за 0.5%, обувките за 0.4%, средствата за чистење и одржување на станот за 0.3% и други услуги, неспомнати на други места за 0.2%.
Пораст на индексот на трошоците на животот во јуни 2014 година, во споредба со претходниот месец, е забележан кај јајцата и алкохолните пијалаци за 0.9%, свежото овошје за 0.8%, трајните колбасичарски производи, преработките од млеко и замрзнатиот зеленчук за 0.5% и рибата за 0.2%.
Во јуни, исто така, пораст на индексите на трошоците на животот е забележан и кај лековите за 2.4%, течните
горива за домаќинствата за 1.6%, услугите за сместување за 0.9%, течните горива и мазива за домаќинствата за
0.8%, облеката за 0.4%, материјалите за одржување и поправки на станот за 0.3% и пијалаците во рестораните
и хотелите и средствата за лична хигиена за 0.2%.
Индексот на трошоците на животот во јуни 2014 година, во споредба со јуни 2013 година, бележи намалување
од 1.1%, а индексот на цените на мало бележи намалување од 1.4%.