Со најновите измени на Законот за данокот на додадена вредност намалена е даночната стапка за ДДВ од 18% на 5% за следните добра:
Добитична храна, адитиви за добиточна храна и жив добиток. Бебешки производи (креветче, количка, транспортер, релаксатор, седиште за во возило, када, хранилка, цуцла, шише и пелени за бебиња)
Училишен прибор (училишна торба – ранец, тетратка, молив, пенкало, блок, работна тетратка, боички, линијар, шестар,пластелин, острило, гума и коректор)
Добрата за кои ќе се применува намалената даночна стапка се подетално опфатени со Одлуката за дополнување на Одлуката за определување на добрата и услугите кои подлежат на повластена даночна стапка на данокот на додадена вредност објавена во „Службен весник на РМ“ бр.117 од 05.08.2014 година.
Целосниот преглед на повластените даночни стапки е објавен на веб страницата на Управата за јавни приходи на следниот линк http://www.ujp.gov.mk/mk/plakjanje/povlasteni_danocni_stapki.