ЈАВЕН ПОВИК
професионална обука на бариста и бартендер
ЕДЕН – Туристичкиот Кластер на Југозападна Македонија, според проектот за унапредување и подигнување на квалитетот на услугите во угостителството, ги повикува сите НЕВРАБОТЕНИ заинтересирани лица лично да присуствуваат на повикот во Сабота 16.08.2014 год. со почеток во 13:00 часот во големата сала на втор кат при Агенцијата за Врабтување во Охрид. Според проектот 30 невработени лица ќе можат да ги поминат обуките и да се стекнат со меѓународен сертификат за професиите:
– Бариста – подготовка на кафе
– Бартендер – бармен, подготовка на коктели
Поамбициозните учесници слободно можат да се пријават и за двете обуки, а изборот ќе се врши според следните критериуми:
– Државјанин на Р.Македонија
– Евидентиран како невработен во Агенцијата за вработување во подрачните единици на Охрид, Струга, Кичево, Дебар и Македонски Брод
– Минимална возраст од 18 години
– Основни познавања од најмалку еден странски јазик
– Интерактивни вештини и способност за работа во тим
– Интерес за натамошно вработување во угостителскиот сектор и усовршување на вештините
– Се охрабруваат да аплицираат лицата од женски пол
– Предност имаат лицата со завршено минимум средно угостителско образование
За учество на интервјуто учесниците задолжително со себе да ги понесат следните документи:
– Лична карта
– Картон од Агенцијата за Вработување
– Копија од диплома за завршено образование
– Копија од завршени дополнителни едукативни обуки, семинари, курсеви итн…
Проектот е поддржан со финансиски средства од GIZ RED – Германската помош за економски развој во туризмот и UNIDO – фондацијата на UNESCO за развој на туристичката индустрија на ривиерата од Охридско Езеро.
Партнери во проектот се здружението Охридски Еснаф, Средното Угостителско Училиште – Ванчо Питошески, Факултетот за Туризам и Угостителство – Охрид и Агенцијата за Вработување.