Денес, делегација на Министерството за одбрана на Република Македонија, предводена од министерот, Зоран Јолевски, положи венец со свежо цвеќе на британските воени гробишта во Скопје, во спомен на починатите британски војници од Првата светска војна.
На Комеморацијата на британските воени гробишта присуствуваше и делегација од Армијата на Република Македонија, како и претставници на странските амбасади и одбранбените аташеи во Република Македонија.
Церемонијата на британските воени гробишта каде се наоѓаат гробовите на 117 војници, е во спомен на загинатите во Првата светска војна и претставува потсетник за трагедијата на сите луѓе, војници и цивили од сите националности, кои ги изгубиле своите животи, борејќи се за мирот и слободата.
