Оваа учебна година, согласно со планираните активности од Програмата на Владата на Република Македонија за периодот од 2014-2018 год, за прв пат се реализираа меѓуучилишни активности за избор на најдобар ученик – Лидер во струката од завршните години во стручното образование во Република Македонија.
Натпреварите се одржаа во Велес и во Скопје, а изборот се организира за да се покажат, докажат, вреднуваат и рангираат знаењата, умеењата, вештините, способностите и вредностите на учениците по стручните предмети во рамките на струката.
Учениците од ОЕМУЦ“Св.Наум Охридски“ и овојпат покажаа одлични резултати.
Ученичката Николина Димоска го освои првото место и стана Лидер на сообраќајната струка во Република Македонија.
Моника Димитриеска и Светлана Тасеска ги освоија второто и третото место, односно ОЕМУЦ“Св.Наум Охридски“ беше апсолутен победник во сообраќајната струка. На натпреварот учениците беа под менторство на професорката Весна Нанеска.
Во електротехничката струка во тесна конкуренција ученикот Стефан Јованоски го освои второто место во образовниот профил електротехничар за компјутерска техника и автоматика, Горан Трпчески освои трето место во образовниот профил електротехничар енергетичар, а Љупчо Стојкоски освои трето место во образовниот профил електротехничар за електроника и телекомуникации. Учениците беа под менторство на професорите Владо Јанкулоски, Никола Јованоски, Сашо Ѓорѓиески и Душко Савески.
Во машинската струка ученикот Антонио Тасески освои второ место во образовниот профил автотехничар мехатроничар, Климент Сотироски освои трето место во образовниот профил машински техничар, а Ангела Андреска четврто место во образовниот профил техничар за компјутерско управување. Учениците беа под менторство на професорите Борис Стрезоски, Виктор Пуроски, Јован Пуроски, Борис Јаќимоски и Владо Суклоски.
Во образовниот профил козметичар техничар ученичките Симона Баланческа, Симона Тасеска и Викторија Костовска освоија четврто место. Учениците беа под менторство на професорите Јулијана Карамешиноска и Александра Ставреска.
