Поради постоење основи на сомнение за сторени четири казнени дела „Тешка кражба“, полициската станица од Кичево поднесе кривична пријава против Ш.Р. (29) од селото Жубрино. Него одредена му е мерка притвор во траење од осум дена.
Во периодот од март до август минатата година, пријавениот со употреба на подесен предмет и кршење на бравите и катинарите, насилно отворал врати и прозорци од куќи и помошни објекти во селата Србица и Стрелци. Притоа тој противправно одзел еден агрегат за струја, повеќе моторни пили како и друг работен алат и прибор.
На идентичен начин, сега притворениот Ш.Р. влегол во амбуланта во близина на РЕК „Осломеј“ и во една приватна здравствена установа од каде одзел сирупи и други медикаменти.
На 17-ти овој месец, по наредба на судија во претходна постапка извршен е претрес во неговиот дом при што пронајдени се дел од бесправно одземените предмети. По извршеното препознавање тие се предадени на оштетените сопственици на објектите.