Работнички претрпе минимален пораз во Естонија од тимот на Флора во рамките од квалификациите за Лигата на Европа. Флора дојде во водство во 59 минута со голот на Гусев и успеа да го сочува резултатот до самиот крај. Повратниот дуел е за седум дена, односно на 9 јули на Националната арена „Филип Втори“ во Скопје.
Шкендија успеа да одигра 1:1 против шкотскиот Аберден. Иако гостите се фаворити, Шкендија храбро го започна овој дуел. Битката се водеше рамо до рамо, а шанси имаше на обете страни. Натпреварот се разжешти во последните минути. Најпрво Аберден дојде во водство од 0:1 во 79 минута со голот на Квин. Во 84 минута, буквално по само неколку секунди откако влезе во игра, Христијан Кировски го изедначи резултатот на 1:1 со гол со глава од околу 14 метри. Повратниот дуел во Шкотска ќе се игра на 9 јули.
WebOhrid