Поради постоење основи на сомнение за сторено казнено дело „неовластено производство и пуштање во промет наркотични дроги, психотропни супстанции и прекурзори“, полициската станица од Струга поднесе кривична пријава против Д.Б.(29) од струшкото село Велешта.
На 20-ти јануари годинава, при претрес извршен во угостителски објект без ознаки лоциран во центарот на селото Велешта, со кој работел пријавениот, на две одвоени места пронајдена е помала количина опојна дрога марихуана.
Полициски инспектори од Струга, во делот кај помошната кујна во висечкиот ормар од угостителскиот објект пронајдоа едно најлонско кесе со 1.75 и 1.41 грама марихуана, а во ледомат сместен во шанкот пронајдена е истурена наркотична дрога марихуана со вкупна тежина 3.27 и 27.27 грама.
Марихуаната е одземена и предадена не вештачење во Министерството за внатрешни работи во Скопје. Таму утвредено е дека пронајдената тревкаста материја е наркотична дрога од растението Cannabis со вкупна тежина од 33.7 грама.