Викендов во Скопје со поддршка на Македонскиот Олимписки Комитет, Агенцијата за млади и спорт и градот Скопје, а во организација на Теквондо клубот Бутел, се одржа 3-от меѓународен теквондо турнир Скопје Опен, најголем од овој вид во Р.Македонија.
Учествуваа повеќе од 300 натпреварувачи од клубови од Албанија, Македонија, Косово, Србија, Хрватска и Бугарија. Хваранг Фист, како член на Македонската Теквондо Федерација (WTF), заради тешката финансиска состојба учествуваше само со двајца свои натпреварувачи.
Јосифоски Филип во категорија Јуниори до 63 кг –А класа (Фул контакт борби), го освои третото место, губејќи во полуфинале во меч кој имаше најмногу поени на цел турнир и тоа само за еден поен 21:20.
Велјаноска Тамара во категорија кадетки до 55 кг-А класа (исто фул контакт борби), го освои златното прво место, победувајќи во полуфинале и финале со убедлива разлика 16:5 односно 14:4.
„Се на се одличен подарок за роденденот на клубот, кој на 6ти Април полни 10 години. Ова е втор успешен настап на нашиот клуб во оваа година. Се надеваме дека со помош на добрите луѓе кои сакаат да ни помогнат, нашите членови ќе покажат дека можеме да се носиме рамо до рамо и со побогатите клубови.“- велаат од Теквондо клубот Охрид.