Иако стана член на СК „Охрид“ пред само две недели, младата пионерка Анастасија Мојсовска веќе зачекори кон врвот на македонското стрелаштво. Имено, таа се пласира на вицешампионската позиција со резултат од 166 круга, на вториот Куп во гаѓање со воздушно оружје-национална програма што викендов се одржа во Скопје, а на кое учествуваа околу 50-тина стрелци.
И во екипна конкуренција пионерките на СК „Охрид“ во состав: Анастасија Мојсовска, Ивана Петреска и Јована Каланоска ја зазедоа втората позиција со резултат од 415 кругови, за 6 помалку од првопласираната екипа на СК „Кавадарци“.
Кај пионерите трето место во екипен пласман за екипата на СК „Охрид“ во состав: Андреј Тулески, Христијан Степаноски и Стефан Шкаркоски.
„Презадоволни сме од резултатите со оглед на тоа дека СК „Охрид“ настапува со комплетно нов состав во пионерска категорија.“– велат од СК „Охрид“.
