Денеска, во Министерството за одбрана на Република Македонија, заменик-министерот за одбрана Беким Максути официјално ја прими функцијата од поранешниот заменик-министер Илми Селами.
Во оваа прилика Селами му честиташе на новиот заменик-министер и му посака среќа и успех во својата нова задача.
Заменик-министерот Максути во оваа позиција доаѓа од академијата, каде што беше ангажиран како професор и шеф на Одделот за криминологија при Универзитетот во Тетово, како и предавач на Југо-источниот Универзитет и Универзитетот ФОН. Тој исто така има богато искуство во Армијата и Министерството за одбрана на Република Македонија, каде што ја вршеше функцијата шеф на кабинет на министерот, а истотака и раководител на Секторот за меѓународна соработка.