Денес министерот за внатрешни работи Оливер Спасовски одржа работна средба со претставникот на УНХЦР, Мохамад Ариф.
На состанокот беа разгледани предизвиците од областа на азилот и граничното управување, со посебен акцент на Законот за азил и привремена заштита, пристапот на УНХЦР до ранливите категории на лица, имплементација на Стандардните оперативни процедури при упатувања до националните заштитни механизми, како и на ситуацијата и статусот на лицата во транзитните центри .
Средбата беше искористена и за утврдување и унапредување на координацијата меѓу граничната полиција и УНХЦР од аспект на криумчарењето лица.