Македонија ја одбележува „Европската недела на спортот“

По повод одржувањето на „ЕВРОПСКАТА НЕДЕЛА НА СПОРТОТ“, Република Македонија преку Агенцијата за млади и спорт се вклучува во одбележувањето на овој голем настан.

По тој повод ќе се одржат голем број спортски манифестации кои ќе ја одбележат „ЕВРОПСКАТА НЕДЕЛА НА СПОРТОТ“.

На 15 септември (ЧЕТВРТОК) со почеток во 11:00 часот, на фудбалското игралиште на ФК Локомотива до СЦ Борис Трајковски ќе се одржат два фудбалски натпревари и тоа:

женски фудбал – основни училишта и машки фудбал – средни училишта

На 17 септември (САБОТА), со почеток во 17:30 часот на плоштадот Филип 2, ќе се одржи главната манифестација „ЕВРОПСКА НЕДЕЛА НА СПОРТОТ“ со мото #БИДИАКТИВЕН на која свое учество ќе земат 25 национални спортски федерации (Триатлон, Бадминтон, Велосипедска, Атлетска, Стрелачка, Карате, Риболовна, Кик боксинг, Традиционално карате, Спортско качувачка, Планинарски спортови, Мечувалечка, Кајакарска, Аикидо, Боречки спортови, Џиу џица, Универзитетска, Таеквондо, Боди билдинг, Џудо, Самбо, Одбојкарска, Ракометна, Кендо-Иаидо и Сојузот на спортски федерации на Македонија). На голем спортски настан ќе бидат презентирани спортските активности на овие федерации, каде најмладите ќе имаат можност да се запознаат со вештините на овие спортови.

Целта на овој настан е да се зголеми свеста на младите, децата и на пошироката јавност за важноста на вклучувањето во рамките на активностите на училишните, универзитетските и спортските клубови, како и промоција на физичките активности во насока на подобрување на здравјето.