Секторот за туризам и локален економски развој при општина Охрид, во рамки на проектот „WaterNet“ , на две локации во градот постави нови информативни табли.
Информативните табли со податоци за историското и културното значење на локациите се поставени кај црквата „Света Софија“ и кај Стариот Чинар и претставуваат своевиден времеплов низ годините наназад.
Таблите изобилуваат со слики од минатото превземени со дозвола на администраторот на фејсбук страницата „Охрид – слики од минатото“ каде на оригинален начин преку слика и збор, накратко, минувачите ќе имаат можност да го проследат чекорот на својот град од минатото до денес.
Како црквата Света Софија се обновуваше, реставрираше и го добиваше денешниот изглед и сведоштвата на највиталниот старец – Чинарот преку зборовите на историчарот и генолог Владо Ангеличин Жура ќе останат врежани во меморијата на секој минувач, гостин и пријател .
Вакви информативни табли е предвидено да се постават на повеќе јавни површини во близина на значајни локалитети во Охрид.
