Од јули 2015 година, тимот на проектот „Спорт за секого“ работи на Прирачникот за Европската недела на спортот (EWoS). Овој Еразмус + кофинансиран проект – кој обединува 5 Национални олимписки комитети, НОК, (Франција, Италија, Литванија, Република Македонија и Португалија) со аналитичкиот центар за Спорт и државјанство – има за цел зголемување на учеството во EWoS, а со тоа и подигнување на свеста меѓу државјаните на ЕУ за придобивките од спортот.
Овој Прирачник за приклучување на Европската недела на спортот, на спортските движења, а особено на НОК, им обезбедува конкретни идеи и алатки за спроведување на нивните активности во оваа рамка. Алатките се состојат од два главни елементи: иновативни иницијативи и практичен водич.
Внимателно беа избрани вкупно 12 иницијативи за 4 фокусирани дена (наречени работно место, образование, активности на отворено и фитнес центри). Ова вклучува голем панел на проекти кои се спроведуваат во Европа: организирање спортски настани или предизвици, зачеток на кампања за подигнување на свеста, како и сесии за обуки на одредени теми.
Практичниот водич, наречен 8 чекори за учество во EWoS, опишува како да создадете проект за време на оваа Недела на спортот. Од почеток до крај, се препорачуваат значајни и едноставни за користење алатки, како што се алатки за управување и алатки за комуникација.
2017 EWoS – која ќе се одржи ширум Европа од 23 до 30 септември – ќе биде повод за мобилизирање на спортските движења и мотив за луѓето да бидат активни во духот на мотото #BeActive.
На интернет се достапни две верзии на Прирачникот (на француски и англиски јазик) на веб-локацијата: http://sportforeveryone.franceolympique.com.