На интернационалниот пијанистички натпревар „Sirmium Music Fest“ кој се одржа од 16. до 19. март во Сремска Митровица (Србија), во коннкуренција од 125 пијанисти од Русија, Словенија, Македонија, Босна и Херцеговина, Хрватска, Романија и Србија, македонскиот пијанист Арда Мустафаоглу го освои првото место и е проглесен за лауреат на натпреварот во категорија на постари пијанисти од основните школи.
Натпреварувачите ги оценуваше меѓународно жири составено од еминентни педагози и пијанисти во состав: Густаво Зака (Аргентина), Владимир Млинариќ (Словенија), Ѓорѓе Станети и Леа Шантек (Хрватска), Снежана Вулета Поповиќ (Босна и Херцеговина), Милан Миладновиќ и Милица Продановиќ (Србија).
Арда Мустафаоглу е млад пијанист кој го завршува основното музичко образование во ДМБУЦ „Илија Николовски – Луј“ во Скопје во класата на м-р Самира Мустафаоглу. Досега има освојувано први места на бројни меѓународни натпревари во Македонија, Србија, Албанија, Бугарија, Италија како и на интернет меѓународни пијано натправари.