Успех на ученици од ОУ „Христо Узунов“ на селекционен натпревар по природни науки

На 25.08.2017 година во просториите на Природно Математичкиот Факултет во Скопје, се одржа Селекционен натпревар по природни науки.

Учениците од нашето училиште, ОУ „Христо Узунов“ – Охрид, Драгана Усовиќ (8 одд) и Христина Митреска (9 одд), зедоа учество на истиот, како ученици кои на Државниот натпревар по физика за учебната 2016/2017 година постигнаа високи резултати, под менторство на наставничката Вера Зороска.

Во текот на летниот период учениците интезивно работеа и беа насочувани од страна на нивните ментори Вера Зороска и Владо Андрески.

„Особено сме среќни и горди, како училиште, што ученичката Христина Митреска, влезе во тимот на шестте најдобри ученици, кои ќе ја претставуваат државата (по прв пат) на 14-тата Јуниорска олимпијада по природни науки, Арнхем и Најмеген (Холандија), која ќе се одржи на 3-12 декември 2017 година.“- информираат од училиштето.

ОУ „Христо Узунов“ – Охрид, менторите и целиот колектив и во иднина ќе продолжат да ја следат, помагаат и подржуваат ученичката Христина Митреска, во секој поглед и насока, со цел поуспешно претставување не само нејзино,туку и на училиштето, градот и државата.