Најмалку 24 лица се удавиле откако бродот кој превезувал имигранти во Европа потона во близина на западниот брег на Турција.
Капетанот на бродот минатата ноќ испратил порака до крајбрежната стража: „Тонема, на бродот има 30 луѓе“, по што врската се прекинала.
Турската крајбрежна стража извлекла 24 тела, а спасила 12 имигранти, чија националност не се соопштува. Операцијата за спасување и пребарување по останати имигранти продолжува и понатаму. Неофицијално, потонатиот брод требало да стигне до грчкиот остров Лезбос.
Турција е центар за имигранти кои илегално сакаат во Европа да побараат подобар живот. Грција најчесто е влезна точка за оние кои сакаат да влезат во земјите од ЕУ.