„СДСМ не се менува ниту со новиот Претседател на Општинската Организација Охрид .
И понатаму изборот на СДСМ за водење политика е промовирањето на невистини, тешки лаги и манипулации. Заради тој пристап и се поразени од граѓаните на последните избори.
Тешка лага и манипулација е дека стручни наставници и професори биле отстранети од образовниот процес во училиштата во Охрид. Единствената промена се однесува на оние кадри кои биле времено ангажирани со договор на одредено време и за кои рокот на временото вработување истекoл. Сите наставници и професори се на своите работи места.
Проблемите кои СДСМ сам ги генерирал ги упатуваме да ги решава во својот двор и да престане со невистини и лаги да ја манипулира јавноста.
Образовниот процес во Општина Охрид отпочна комплетно и беспрекорно, со многу инвестирање во училиштата и во таков ритам ќе тече низ целата учебна година затоа што за ВМРО-ДПМНЕ образованието е врвен приоритет“, – стои во реакцијата од ОК на ВМРО-ДПМНЕ Охрид.