„Ми претставува особена чест и задоволство, во името на граѓаните на Општина Охрид и во мое лично име да Ви го честитам големиот христијански празник, празникот на Раѓањето Христово- Божиќ.
Божиќ е празник на љубовта, спокојот, простувањето и милосрдието, празник кој не учи да ги почитуваме високите морални вредности и да одиме по трагите на вистината, а на ближните да им подаруваме љубов, добрина и меѓусебно почитување и разбирање.
Честитајќи им го Денот на Раѓањето Христово- Божиќ на граѓаните од католичка вероисповед, кои овој голем христијански празник го слават според Грегоријанскиот календар, им посакувам светлината и топлината да ги исполнат нивните домови, да им донесат лична и семејна среќа, бериќет и верба во себе и другите.
Во духот на Божиќните празнувања, кога на ближните им подаруваме љубов и добрина, ги потврдуваме и зедничките определби за толеранција, соживот и напредок на Охрид и Република Македонија.
Нека е честит и благословен големиот христијански празник Божиќ!“ – се вели во Божиќната честитка од градоначалникот Никола Бакрачески упатена до граѓаните од католичка вероисповед.