Во организација на Општина Охрид, Црвен крст, претставници на бизнис заедницата и Јавните претпријатија, утре на 21 мај (среда), пред општинската зграда ќе биде отворен пункт за собирање помош за настраданите подрачја во поплавите во Србија и Босна и Херцеговина.
Предвидено е во 12 часот и 30 минути, градоначалникот Никола Бакрачески, претставниците на бизнис заедницата и Јавните претпријатија, да ја предадат помошта на претставниците на Црвен крст, а на пунктот, кој ќе биде отворен од 9 до 16 часот, помош ќе можат да донираат и граѓаните на Охрид.