Истакнатиот италијански флејтист Масимо Мерчели и ансабмлот „Варијабиле“ синоќа настапија во црквата „Света Софија“ во рамките на Вечерта на Европската унија на „Охридско лето“.
На концертот беа изведени дела од Хајдн, Бетовен, Доницети и Брамс.
Мерчели кој е познат по тоа што соработува со врвните уметници од денешницата како што се Пендерецки, Јуриј Башмет, Филип Глас, Жан-Пјер Рампал и други, изградил впечатлива уметничка кариера. Меѓу другото е познат и по премиерните изведби на дела од современите автори.
Ансамблот „Варијабиле“ има камерен репертоар во различни односно варијабилни состави.Неодамна оствари и серија настапи во повеќе земји ширум Европа.
