Сите работни единици од ЈП „Охридски Комуналец“ се ангажирани на различни локации во градот, со цел подигнување на јавната хигиена и зеленило на повисоко ниво.
Екипите на јавна хигиена поставуваат нови канти за депонирање на ситен отпад по ул. „Димитар Влахов“ и старата чаршија.
„Се прави генералка на ул „15-ти Корпус“ и „Железничка“ каде се отстрануваат наносите од песок и земја од зимското одржување на сообраќајниците, како и отсранување на ниската вегетација.
Се реконструира дрворедот по ул. „АСНОМ„ (потег „Кеј Македонија„-„Булевар Туристичка„) каде голем број стебла се комплетно уништени. Се засадуваат нови садници „јасен “.- информираат од претпријатието.
Денеска е завршено со реконструирањето на бетонската жардињера на „Булевар Туристичка“, каде се отстранија оштетените декоративни грмушки, се исполни жардињерата со плодна земја и се засадија нови декоративни садници од сопствениот расадник.
На депонија „Буково„ со сопствени средства на ЈП „Охридски Комуналец“ се реконструира патот од влезот во депонијата до платото за депонирање на комунален отпад со тампонирање.
„Утрово во градскиот парк пред ФТУ-Охрид констатирано е оштетување на паркот каде се откорнати 6 (шест) садници од видот вертикална туја.“– велат од претпријатието.
