Давајќи им креативна димензија на веќе изумрените материјали, уметникот Илина Арсова преку нејзината излоѓба синоќа на „Охридско лето“ ја пренесе глобална порака за подигнување на еколошката свест кај народот- спас на планетата Земја и зачувување на природното и културно наследство на Охрид.
Авторката Арсова низ низа колажи и слики уште еднаш го покажа својот емотивен спој на природата и уметноста. Нејзините колажи се создавани во текот последните две години од разни отпадни материјали кои најчесто ги преплавуваат нашите подруми и тавани. Таа буквално го претвора целиот свој личен отпад во слика, користејќи го постоечките бои и текстури на текстил, пластика и хартија врз која дава свој потпис преку интервенција.
Ова е прва нејзина самостојна изложба откако дипломира на Факултетот за ликовни уметности во Скопје пред една деценија.
