Претставници на АНТОР (Асоцијација на тур оператрори и туристички работници од Норвешка) и новинари од Норвешка се на неколку дневно информатино патување во Македонија.
Во организација на Агенцијата за промоција и поддршка на туризмот и во соработка со економскиот промотор во Норвешка Марија Ковачевич, гостите ќе ги посетат атрактивните туристичките дестинации низ нашата земја, ќе се запознаат со културно-историските споменици, традиционалната македонска кујна, ќе го посетат винскиот регион и ќе се организира велосипедска тура низ Галичица, особено интерсна за Норвешките туристи како љубители на активностите во природа.
Целокупното искуство од Македонија ќе го презентираат пред останатите членки на АНТОР, ќе се објават туристички репортажи во Норвешките медиуми по што ќе следува инфо патување за тур оператори со цел промоција и доближување на туристичките потенцијали на Македонија на Норвешкиот туристички пазар.
„Воодушевени сме од разноликоста и можностите кои ги нуди Македонија, за неполн час од урбаната средина во Скопје, посетивме неколку манастири, а сликата за главниот град ја направи целосна и уште повпечатлива посетата на кањонот Матка. За наколку часа веќе бевме во националниот парк Маврово, го посетвме Јанче прекрасно место за развој на рурален и еко туризам. А тоа пред кое не можеме да останеме рамнодушни е македонската традиционална кујна, која изобилува со различни вкусови, свежо овошје, зеленчук и органски продукти одлична и за љубителите на месо и за вегетаријанците. Наредниве неколку дена ќе го посетиме Охрид, возбудени сме за велосипедската тура низ Галичица и дегустацијата на македонски вина во винскиот регион”– изјави Arne Sundt-Bjerck, еден од претставниците на АНТОР.
Директниот лет Скопје-Осло со Wizz Air е одлична можност за Скопје да прерасне во “City break” дестинација за Норвешките туристи, а Агенцијата за промоција и поддршка на туризмот континуирано ќе работи во насока на проширување на овој туристичкиот пазар.