Извршниот совет на УНЕСКО со мнозинство гласови го предложи Косово да биде примено во организацијата. За овој предлог 27 членови гласаа „ЗА“, против беа 14 и 14 воздржани.
Претставниците на Русија, Куба и Индонезија се обидоа да го одложат ова изјаснување, но претседателот на Извршниот совет на УНЕСКО го одби тоа барање, наведувајќи дека иницијативата е задоцнета.
Македонија и Црна Гора гласаа „ЗА“ Косово да биде дел од УНЕСКО.
За одлуката Косово да биде примено во членството на УНЕСКО ќе се расправа на Генералната конференција од 3 до 18 ноември. Генералната конференција ја сочинуваат претставници од 195 земји членки. Секоја земја членка има право на еден глас, а за донесување на одлуки потребно е двотретинско мнозинство.
WebOhrid