Нов земјотрес вечерва со јачина до 4 степени според Рихтеровата скала

Вечерва, во 19.53 часот, нов земјотрес ја погоди Скопската Котлина со јачина од 4 степени според Рихтеровата скала. Епицентарот на земјотресот е регистриран на четири километри северозападно од Скопје, на длабочина од пет километри.

Појак земјотрес го затресе Скопје попладнево и во 14.19 часот. Овојпат земјотресот беше со јачина од 3,7 степени според Рихтеровата скала. Земјотресот бил на длабочина од 10 километри и се случил на 2 километри североисточно од скопското село Булачани.

Послаб земјотрес скопјани почувствуваа и во 11.50 часот, со јачина од 2,3 степени. До 10 часот утрово сеизмолошката опсерваторија регистрирала десетина послаби земјотреси.

Извор: meta.mk