Во врска со соопштението од ОО на СДСМ Охрид, реакција испрати Општина Охрид во која стои:
„И покрај многуте укажувања од наша страна, очигледно часовникот на СДСМ Охрид и понатаму е застанат во минатото.
Дали кога зборуваат за притисоци мислат на времето кога тие го водеа Охрид и кога нивните функционери со списоци ги пребројуваа вработените кои мораа и пред да влезат и пред да излезат од автобус да бидат евидентирани од шефовите.
За среќа на сите вработени во општината, јавните претпријатија, училиштата и останатите институции во надлежност на Локалната самоуправа, времињата се променија и притисоците врз вработените станаа минато како симбол на лошото владеење на СДСМ во Охрид.“ – се вели во реакцијата од Општина Охрид.