Кривична пријава за две лица од Дебар поради нанесување тешка телесена повреда

Поради постоење основи на сомнение за сторено казнено дело „тешка телесна повреда“, полициската станица од Дебар поднесе кривична пријава против А.К. (29) и Б.К. (26), двајцата од Дебар.

Пријавените, казненото дело го сториле на втори минатиот месец во 19 часот и 45 минути на улицата „Таса Мартиновска“ во Дебар. Тие започнале со нарушување на јавниот ред и мир и вербална расправија со Р.М. (40) од Дебар која набрзо прераснала во тепачка. Од здобиените удари, Р.М. се здобил со повреди на главата, потрес на мозокот и фрактура на левата надклактица од раката.

Повредите биле констатирани во Општата болница во Дебар, од каде, по дадената неопходна медицинска помош и заради сериозноста на повредите, Р.М. со амбулантно возило е пренесен во специјалната болница за ортопедија и трауматологија „Св.Еразмо“ во Охрид.