Како дел од Годишната програма на Секторот за комунални дејности, Општина Охрид реализира проект за асфалтирање на крак од улицата „Димитар Влахов“ во строгиот центар на Охрид. Асфалтиран е просторот позади црвените кули односно кај полициските згради. Оваа јавна површина години наназад беше во катастрофална состојба со прекопи и дупки, а поради огромните оштетувања на асфалтот жителите во тој дел од Охрид во зима минуваа низ кал, а во лето низ прав. Вкупната површина на асфалтираниот простор е околу 320 метри квадратни. Вредноста на проектот изнесува 450 000 денари.
повеќе...Асфалтиран крак од улицата „Димитар Влахов“
