Утре, во Охрид, во организација на Младински Совет Охрид, ќе се одржи првиот форум за интеркултурен дијалог. Форумот има за цел, активните чинители од општина Охрид да го дадат својот допринос во креирање на стратегијата за интеркултурен дијалог за општина Охрид, со заеднички активности за подобрување на соработката со своите колеги и соработници од општина Поградец, Република Албанија.
Се очекува учесниците на форумот да ги одредат целите на делување, да предложат конкретни активности, да ја одредат временската рамка за нивна реализација, да ги поделат одговорностите и да ги предвидат потребните ресурси за спроведување на стратегијата.
Како учесници се поканети претставници на образовните институции, институциите од областа на културата, здруженијата на етничките заедници, здруженијата кои ја третираат културата, политичките партии, локалната самоуправа, од општина Охрид, а се очекува да присуствуваат и претставници на партнерската организација „Une gruaja“ од Поградец, Албанија.
На форумот му претходеше истражување за согледување на ставовите и мислењата поврзани со интеркултурниот дијалог и соработка.
WebOhrid