По налог на Општина Охрид, а согласно испланираните годишни редовни и вонредни активности, екипите на „Охридски Комуналец“ деновиве го расчистуваат речното корито на Велгошка Река, во близина на поранешната фабрика „Езерка“. Се работи комбинирано, со употреба на специјална механизација, но поради непристапноста на теренот голем дел од активностите за расчистување се одвиваат и рачно.
Се очекува да се подигнат 30 м³ отпад: натрупана земја, чакал, пластична амбалажа и друг вид отпад. Со ова ќе се минимизира можноста за прелевање на водата од своето речно корито и поплавување на околното земјиште.
